Svona virka fríðindaklúbbar

Á Íslandi eru tugir vildarkerfa, afsláttarklúbba og nemendakorta. Þau byggja á ólíku: afslætti, punktum, inneign eða betri kjörum. Hér er stutt yfirlit og nokkur ráð til að velja.

Fjórar tegundir kerfa

Sum kerfi eru í fleiri en einum flokki. Takk er bæði inneignarkerfi og stórt samstarfskerfi, og Arion er bæði með stigakerfi og sérstakan Einkaklúbb.

Hvernig velur þú klúbb?

1. Byrjaðu á því sem þú átt. Flestir eru nú þegar í nokkrum klúbbum í gegnum bankann, símann, tryggingarnar, skólann eða stéttarfélagið. Merktu við þá undir „Mín perks“ og sjáðu hvað þú getur nýtt.
2. Horfðu á það sem þú notar. 2 fyrir 1 á veitingastað sem þú ferð aldrei á er einskis virði. Veldu klúbb eftir stöðunum sem þú heimsækir í raun.
3. Reiknaðu raunverulegan sparnað. 2 fyrir 1 jafngildir 50% ef þið eruð tvö, en 0% ef þú ert ein(n). Endurgreiðsla hefur oft hámark og gildistíma.
4. Lestu skilmálana. Er tilboðið einnota eða fjölnota? Gildir það alla daga? Þarf að virkja það fyrst eða nota kóða?
5. Ekki skipta um banka eða síma bara vegna fríðinda. Vextir, verð og þjónusta skipta yfirleitt meira máli en nokkur tilboð á mánuði.
6. Hugsaðu um gögnin þín. Mörg kerfi safna upplýsingum um hvað, hvar og hvenær þú verslar. Neytendasamtökin benda á að „ókeypis“ þjónusta sé oft greidd með gögnum. Takmarkaðu heimildir sem þú veitir öppum.
7. Er afslátturinn raunverulegur? Samkvæmt reglum Neytendastofu þarf fyrra verð að vera raunverulegt og sannanlegt. Berðu saman við venjulegt verð.

Hvað teljum við með?

Við skráum kerfi sem veita skilgreindan ávinning sem hægt er að staðfesta: afslátt, endurgreiðslu, inneign, punkta, betri kjör eða aðgang að sértilboðum. Venjuleg bankaþjónusta, venjuleg kreditkort, verslunaröpp án formlegs kerfis, þjónustuáskriftir og póstlistar teljast ekki með. Gildin okkar og reglur

Heimildir: Neytendasamtökin – Njósnahagkerfið · Neytendastofa – Útsala og tilboð